EN
  • تاريخ النشر: 21 أكتوبر, 2015

مصري يناشد "ناسا" تسمية نجمة باسم زوجته.. القصة يرويها لـmbc.net

كريم هشام

كريم هشام

أسطورة الخلود و الحب إلي نهاية العمر جسدها شاب مصري أراد أن يفاجئ زوجته بهدية غير تقليدية في عيد ميلادها تجعلها تحلق في سماء الحب.

  • تاريخ النشر: 21 أكتوبر, 2015

مصري يناشد "ناسا" تسمية نجمة باسم زوجته.. القصة يرويها لـmbc.net

(القاهرة- محمد شاهين- mbc.net) أسطورة الخلود و الحب إلي نهاية العمر جسدها شاب مصري أراد أن يفاجئ زوجته بهدية غير تقليدية في عيد ميلادها تجعلها تحلق في سماء الحب.

الشاب المصري كريم هشام قرر أن يتواصل مع وكالة الفضاء الدولية "ناسا" من أجل إهداء زوجته نجمة حقيقية تحمل أسمها في عيد ميلادها بالرابع من نوفمبر المقبل.

الحب من أول نظرة

كريم و زوجته زيزي
576

كريم و زوجته زيزي

عن بداية قصة الحب السريعة التي نشأت بين كريم و زوجته زيزي، يقول كريم : " قصتي أنا وهي بدأت بداية عادية جدا .. شفتها يوم .. تاني يوم قلتلها بحبك وش كدا ما خدتش وقت كتير يعني".

ويضيف كريم "كنا نعرف بعض قبلها بس مبنتكلمش .. أنا كنت أصدرت كتابي الأول "سيلنترو أسكندرية" وهي جت معرض الكتاب مع أصحابها وأنا كنت هناك".

وتوقفت العلاقة بينهما عند هذا الحد حتى شاهد هشام زيزي بالصدفة بعد 6 شهور من لقائهما وهو الأمر الذي جعله يبحث وراء مكان عملها حتى توصل إليه وذهب إليه مرات قليلة وقامت بإرسال رأيها في كتابه الجديد إليه.

ويقول كريم : "فاجأت زيزي برسالة على "فيسبوك" قلتلها احنا هنتغدي سوا بكرة قالتلي انت عبيط قلتلها لأ مش عبيط احنا فعلا هنتغدي سوا بكرة .. ومكنش قبلها في أي تواصل بينا بس أنا دماغي لاسعة وواثق من نفسي عامة".

نجمة في سماء الحب

وعن فكرته غير التقليدية وهديته الرومانسية لزوجته في عيد ميلادها، يقول كريم :"الفكرة جت اني لما فكرت اجبلها هدية كنت عايز اعملها هدية تفضل عايشة بعد احنا ما نموت ببساطة يعني".

ويضيف كريم عن السر وراء هديته :"أنا عامة بحب فكرة الخلود دي جدا .. وده اللي خلاني أفكر في يو تيرن .. فكرة ان يو تيرن ككتاب وقصة هتفضل انما إحنا هنمشي من هنا مش هنخلد .. فيمكن يجي بعد 100 سنة حد يقراه مثلا ويفتكرنا ساعتها يعني".

رد وكالة الفضاء الدولية

بالتأكيد أن حلم كريم هو أن يلقى رد من وكالة الفضاء الدولية على الأيميل الذي أرسله ويطلب فيه تسمية نجمة على أسم زوجته في عيد ميلادها، حيث يقول كريم : "ناسا مردتش واعتقد مش هيردوا عامة هم كانوا كاتبين انهم بيردوا علي الاميلات ما بين 10 لـ 15 يوم".

ويضيف كريم: "لم يمر عشرة أيام .. يمكن لو الصحافة الأجنبية كتبت عن الموضوع يوصلهم بقي لأنه هو بقي منتشر علي مستوي الوطن العربي دلوقتي".

الخطط البديلة

وضع كريم خطة بديلة للاحتفال بعيد ميلاد زوجته في حال عدم رد وكالة الفضاء الدولية على طلبه، حيث يقول كريم:"خططي البديلة اني قدرت اجيب تذكرتين لحفلة تامر حسني الجاية فهوديها الحفلة".

ويضيف كريم عن هديته الاحتياطية لزوجته  "زيزي" :" اينعم احنا مش من عشاقه يعني بس بنحب الحفلات عامة ففرصة لطيفة".

مجرة "هشام و زيزي"

عن إمكانية مخاطبة وكالة الفضاء الدولية "ناسا" لإطلاق أسماء أولادهم على نجوم كما فعل في عيد ميلاد زوجته، قال هشام:"لأ مش لدرجة أطلب من ناسا تطلق اسم ولادي علي نجوم تانية أكيد ناسا مش فاضية عشاني يعني وراهم مشاريع فضائية ومليارات بتتصرف علي الرحلات الفضائية دي فمش فاضيين ليا يعني".

قصة "يوتيرن"

ويقول هشام في حواره الحصري مع MBC.net عن كتابهما المشترك "يوتيرن" : "أريد أن اخلد قصة حبنا وان هي كانت حابة ترجع للكتابة مرة تانية لأنها كانت بتكتب قبل كدا .. فأنا حبيت اني أساهم في إنها ترجع تكتب تاني وأساعدها يعني في النقطة دي".

ويضيف هشام "الحمد لله الكتاب صدر وعجب ناس كتير أوي من اللي قرأوه كلهم وكانت ردود الفعل حلوة أوي .. لحد النهاردة الناس لسة بتقراه وبتتصل بينا ع التليفون تشكرنا عليه".

كتاب
576

كتاب "يوتيرن" الشاهد على قصة حبهما

رد "زيزي" على هدية زوجها غير التقليدية

علقت الزوجة زيزي عبر صفحتها على "فيسبوك" على هدية زوجها المبتكرة قائلة: "للي مش فاهم حاجة كريم بعت ميل رسمي لوكالة ناسا بتاعة الفضاء وقالهم يعملوا نجمة على إسمي هدية عيد ميلادي".

وأضافت زيزي :"وأنا بالنيابة عن الوكالة أحب أقولك أنا مش محتاجة نجمة بإسمي وأنا حاضنه الدنيا كلها من يوم ما بقيت حلالك وفي بيتك..ربنا يخليك ليا يا هديتي من ربنا".