EN
  • تاريخ النشر: 16 أبريل, 2010

سيتزوج بعد نحو شهرين متعب للصدى: الاستمرار مع الأهلي أو الاحتراف المناسب

متعب يوجه إشادة خاصة لشحاتة

متعب يوجه إشادة خاصة لشحاتة

تمسك عماد متعب -مهاجم الأهلي المصري- بالبقاء في ناديه إذا لم يتلقَّ العرضَ المناسب للاحتراف في الخارج، في الوقت الذي ينتهي فيه تعاقد نجم هجوم الشياطين الحمر بنهاية الموسم الجاري.

  • تاريخ النشر: 16 أبريل, 2010

سيتزوج بعد نحو شهرين متعب للصدى: الاستمرار مع الأهلي أو الاحتراف المناسب

تمسك عماد متعب -مهاجم الأهلي المصري- بالبقاء في ناديه إذا لم يتلقَّ العرضَ المناسب للاحتراف في الخارج، في الوقت الذي ينتهي فيه تعاقد نجم هجوم الشياطين الحمر بنهاية الموسم الجاري.

وتحدث متعب خلال مقابلة مع صدى الملاعب عن اعتزازه الشديد بحسن شحاتة، المدير الفني لمنتخب مصر، وقال إن هذا المدرب يمنحه حرية كبيرة في اللعب، مما يجعله يؤدي بشكل رائع.

وقال متعب إنه خطب منذ سنة، ويخطط للزواج بعد شهرين، كما أشار إلى أن خطيبته لم تكن تتابع الكرة على الإطلاق، لكنها بدأت متابعتها من أجله.

وجاءت مقابلة الصدى مع متعب على النحو التالي..

عماد متعب: أنا لسة موجود مع النادي الأهلي ومفيش أي حاجة دلوقتي ظاهرة، في عروض اتقدمت لي لكن أنا مستني لحد ما أشوف إيه العرض المناسب، ولو مفيش عرض مناسب الفترة اللي جاية أنا موجود مع النادي الأهلي.

سماح عمار: الناس كلها بتتكلم عماد متعب خاطب ولا مش خاطب، انت قلت خاطب دلوقتي، دة كويس جدا، الجواز امتى بقى.

عماد متعب: أنا خاطب بقى لي سنة، الجواز إن شاء الله الفترة اللي جاية خلال الشهرين الجايين إن شاء الله.

سماح عمار: طيب هي رأيها إيه في الكورة ولا ما بتشجعش كورة خالص.

عماد متعب: لا هي ما كانتش ليها علاقة بالكورة خالص ويمكن ما كانتش بتتابع كورة، يمكن والدتها هي اللي أهلاوية شوية وطبعا حمايا زملكاوي، فقصة كانت صعبة، لكن الفترة الأخيرة طبعا بتتابع بشكل كبير الماتشات، وعلى طول قاعدة ومركزة، وبتدعي لي، ويمكن بدأت تفهم دلوقتي، وبتتكلم معايا في الكورة، فدة كويس.

سماح عمار: جميل جدا، حماك زملكاوي وهي أكيد أهلاوية عشان خاطرك، بتعملوا إيه لما يكون في أهلي وزمالك بيلعبوا.

عماد متعب: هو لسة ما حصلش الموقف دة لحد دلوقتي لأن أنا كنت في السعودية، وبعد كدة بعد ما رجعت من السعودية أول مباراة بين الأهلي والزمالك أنا كنت مصاب فيها، فلسة ده هشوفه في المباراة الجاية، مش عارف إيه اللي هيحصل، لكن بجد أنا حمايا من أكتر الناس المحترمين اللي أنا اتعاملت معاهم في حياتي، ويمكن شرف ليا إن أنا خاطب بنته، والراجل في المباريات يعني بيشجعني على طول وبيساندني على طول.

سماح عمار: بس أكيد مش قدام الزمالك.

عماد متعب: معرفش لسة ما جربتش، بس أتمنى إنه هو يشجعني قدام الزمالك.

سماح عمار: معايا إن اللعيبة مختلفة شوية تحت قيادة كابتن حسن شحاتة، مختلفة عن أدائها في أنديتها؟ مع كابتن حسن شحاتة في المنتخب بتكونوا مختلفين عن أداءكم داخل الأندية، بتكونوا أحسن في المنتخب.

عماد متعب: الظروف يمكن في المنتخب بنكون قاعدين مع بعض فترة طويلة، مش عارف أقول إيه بالظبط، لكن في الأندية بترجع لضغط ماتشات وإصابات وإنذارات، ولعيب بيكون موجود، ولعيب ما يكونش موجود، أنا ما أقدرش أحكم يعني عن نفسنا هنا مع النادي الحمد لله ماشيين بشكل كويس، زي ما نؤدي مع المنتخب نؤدي مع النادي، معرفش اللعيبة التانية الظروف ماشية إزاي، كابتن حسن شحاتة من المدربين اللي بيدوا ثقة للعيبة، يعني أنا بجد طبعا عشان الناس كلها بتقول إنه هو أبويا وبيحبني، شيء طبيعي أنا بحبه جدا وشرف ليا إنه يكون كابتن حسن شحاتة زي أبويا ودي حاجة أنا ما أنكرهاش خالص، راجل بيدي حرية للعيبة مفيش أي قيود خالص، بيخلي اللعيبة نازلة الملعب مبسوطة

مصطفى الأغا: وعودة لسماح عمار، سماح دة بيقول إنه حسن شحاتة زي أبوه، بس هيك بيصير أبوه زملكاوي على ها الحكي، أبوه الروحي طبعا.