EN
  • تاريخ النشر: 14 مارس, 2010

اليرموك كاد يفعلها لاعبو الفيصلي لصدى: الدوري سيحسم أمام الوحدات

عقب الفوز العريض الذي حققه فريق الفيصلي على مضيفه اليرموك، صرح لاعبو الفريق وإطاره الفني -لبرنامج "صدى الملاعب"- بأن لقب الدوري بات محصورا بينهم وبين المتصدر الوحدات، وأعلنوا إصرارهم على استعادة اللقب، الذي يرقد في أحضان المارد الأخضر منذ أربعة مواسم متتالية.

  • تاريخ النشر: 14 مارس, 2010

اليرموك كاد يفعلها لاعبو الفيصلي لصدى: الدوري سيحسم أمام الوحدات

عقب الفوز العريض الذي حققه فريق الفيصلي على مضيفه اليرموك، صرح لاعبو الفريق وإطاره الفني -لبرنامج "صدى الملاعب"- بأن لقب الدوري بات محصورا بينهم وبين المتصدر الوحدات، وأعلنوا إصرارهم على استعادة اللقب، الذي يرقد في أحضان المارد الأخضر منذ أربعة مواسم متتالية.

"عبد الهادي محارمة، لاعب الفيصلي: طبعا المباراة أكيد لازم ناخد فوز وهاي مباراة دوري يعني لازم ما نخسرش ولا مباراة وإن شا الله الله بيوفقنا في المباريات الجاية.

محمد قدري حسن: الدوري بين الفيصلي والوحدات أم لشباب الأردن فرصة أيضاً؟

عبد الهادي محارمة: أكيد الدوري راح يكون بين الفيصلي والوحدات.

"قصي أبو عالية، لاعب الفيصلي: الحمد لله طبعاً أهم شي الثلاث نقاط بس، مش مهم الأهداف مين اللي يجيبها أهم شي الثلاث نقاط والحمد لله.

محمد قدري حسن: ماذا يعني الفوز برباعية اليوم على اليرموك الذي كان متقدماً وخسر بصورة مفاجئة؟

قصي أبو عالية: لا مش صورة مفاجئة، فريق اليرموك فريق جيد وكويس بس بيجوز احنا ما كناش لسة صاحيين بأول المباراة بس هاي هي، وبعدين صحينا وتداركنا الأمور وحققنا المطلوب منا وهي الثلاث نقاط أهم شي.

"هيثم شبول، مدير الفيصلي: طبعا هي مباراة صعبة احنا من البداية خاصةً فترة التوقف، أول مباراة بعد التوقف بتكون صعبة، فما بالك إذا كان كمان فريق اليرموك فريق بيمتلك مهارات عالية لاعبيه وفريق مهدد بالهبوط، الآن هو ما في عنده نقطة، بالنسبة إله بده يتمسك فيها حتى النقطة على مستوى التعادل، توفقوا في أول هجمة وأحرزوا هدف فيها، مشكوك في الجول لكن سجل علينا، بس احنا كان الفريق هادئ تناقل الكرات بسلاسة، كان في كرات من اليمين وكرات من اليسار بالعمق، لعبنا ثلاث مهاجمين، توفقوا المهاجمين في الأمام برغم إهدار الفرص لكن سجلنا كم جيد من الأهداف.

"لؤي العمايرة، حارس الفيصلي: أكيد الفوز مهم إلنا وأهم شي حالياً بالوقت الحالي النقاط يعني ثلاث نقاط وإن شا الله الدوري مش بعيد وما راح يكون صعب إن شاء الله علينا

محمد قدري حسن: مين بطل الدوري؟

لؤي العمايرة: والله شوف بتعرف زي أخوي محمد إنه محصور بينا وبين الوحدات، فأنا بتوقع الحسم راح يكون بينا وبينهم.

"محمد قدري حسن: كيف تعلق على الفوز الذي جاء برباعية رغم تقدم فريق اليرموك؟

مظهر السعيد، المدير الفني للفيصلي: لا احنا من الناحية البدنية والمهارية أعلى، صحيح الهدف كان فيه شك إنه طلعت الكرة، على كل حال يعني دخل هدف، فريقنا بدأ يهاجم ويدافع، بدنياً احنا أفضل ومن الناحية المهارية أكيد الوقت كان هو اللي بيلزم لتحقيق النتيجة".

كان أصحاب الأرض قد أنهوا الشوط الأول بالتقدم بهدف نظيف، ولكن الزعيم رد بقسوة في الشوط الثاني، وسجل أربعة أهداف متتالية؛ ليرفع رصيده إلى 44 نقطة بفاصل نقطة وحيدة خلف الوحدات، وذلك قبل 4 جولات فقط من نهاية المسابقة. ويلتقي الفيصلي والوحدات في الجولة قبل الأخيرة.