EN
  • تاريخ النشر: 07 يناير, 2010

عبر عن اعتزازه بجائزة محمد بن راشد للإبداع شحاتة عبر صدى الملاعب: ذاهبون إلى أنجولا لإسعاد المصريين

قبل ساعات من توجهه مع الفراعنة إلى أنجولا دفاعا عن لقب إفريقيا، فتح حسن شحاتة -مدرب المنتخب المصري- قلبه لمشاهدي صدى الملاعب بعد تسلمه جائزة محمد بن راشد للإبداع الرياضي كأفضل مدرب عربي 2009، مؤكدا على ثقته في التشكيلة التي اختارها للمهمة الصعبة رغم الغيابات المؤثرة.

  • تاريخ النشر: 07 يناير, 2010

عبر عن اعتزازه بجائزة محمد بن راشد للإبداع شحاتة عبر صدى الملاعب: ذاهبون إلى أنجولا لإسعاد المصريين

قبل ساعات من توجهه مع الفراعنة إلى أنجولا دفاعا عن لقب إفريقيا، فتح حسن شحاتة -مدرب المنتخب المصري- قلبه لمشاهدي صدى الملاعب بعد تسلمه جائزة محمد بن راشد للإبداع الرياضي كأفضل مدرب عربي 2009، مؤكدا على ثقته في التشكيلة التي اختارها للمهمة الصعبة رغم الغيابات المؤثرة.

سلام المناصير: كابتن حسن ألف مبروك.

حسن شحاتة: الحمد لله.

سلام المناصير: ماذا تعني لك هذه الجائزة؟.

حسن شحاتة: أنا بعتبرها جايزة مميزة لأن هي جايزة الإبداع الرياضي من سعادة صاحب السمو الشيخ محمد بن راشد بيتهيألي بيبقى حاجة مميزة لإن هو أصلا شخصية مبدعة وشخصية منجزة، وهو دايما بيحاول يدفع الشباب العربي للإنجازات، وخاصة لما تبقى إنجازات لصالح البلد ولصالح الدولة، فدي أنا بعتبرها جايزة مميزة أدبيا ونفسيا وماديا، وكل ما تقوله بتعتبر مميزة.

سلام المناصير: كابتن حسن تعتبر هذه الجائزة يعني كرد اعتبار لحسن شحاتة بعد فترة حزن؟.

حسن شحاتة: أنا الحمد لله يمكن الجوايز الشخصية ما بتعنينيش كتير لأنها بتيجي بعد الإنجازات العامة، الإنجازات اللي أنا بعملها، أو الإنجازات اللي ربنا بيوفقني فيها إن أنا دايما أرفع اسم بلدي في العالي دايما، فعشان كدة بقول الحمد لله أنا بعتبر دي صاحب السمو الشيخ محمد بن راشد شاعر بكل الشباب العربي في عمل ما هو يصبو إليه كل واحد فيهم وبيديهم طموح وبيدفعهم كمان ويديهم ثقة زايدة وأنا بعتبر دي جايزة مميزة وشكرا لصاحب السمو.

سلام المناصير: أنت تتفاءل في دبي، فزتوا في كأس أفريقيا وكنت في دبي، هل أنت متفاءل الآن في دبي قبل التوجه إلى أنجولا؟.

حسن شحاتة: دايما متفائلين دايما، إحنا لازم نكون متفائلين ولازم يكون عندنا طموح وربنا يوفقنا إن شاء الله.

سلام المناصير: كلمني عن كأس إفريقيا شوي قبل ما تذهب الآن للطيارة.

حسن شحاتة: أنا رايح المطار على طول دلوقتي عشان مسافرين بكرة أنجولا فأنا بقول إن شاء الله.

سلام المناصير: الفراعنة جاهزون؟.

حسن شحاتة: قول يا رب.

سلام المناصير: الكأس الثالثة؟.

حسن شحاتة: قول يا رب إن شاء الله.

سلام المناصير: التالتة تابتة؟.

حسن شحاتة: ربنا يعوضنا خير إن شاء الله.

سلام المناصير: كلمة مع صدى الملاعب للجمهور المصري اللي ينتظر من حسن شحاتة كلمة قبل التوجه إلى أنجولا؟.

حسن شحاتة: دايما أقول للجمهور المصري إن احنا ولعيبتنا عمرنا ما حنبخل على بلدنا وعلى منتخبنا بذرة عرق ومجهود حنبذله في تحقيق، وربنا يجعلنا سبب في إسعاد الشعب المصري إن شاء الله.

سلام المناصير: تشكيلتك متكاملة؟.

حسن شحاتة: قول يا رب.

سلام المناصير: بس ميدو زعلان؟.

حسن شحاتة: معلش هو ميدو ليه حق يزعل لأنه هو حابب إنه يبقى موجود معانا بس دي طبعا بنعتبرها ظروف.

سلام المناصير: الغيابات لن تؤثر؟.

حسن شحاتة: الغيابات إن شاء الله لا تؤثر بالرغم إن احنا بنفتقد لاعبين.

سلام المناصير: أبو تريكة؟.

حسن شحاتة: لاعبين من الهيكل الأساسي لكن بنقول يا رب البديل يكون أحسن إن شاء الله.

سلام المناصير: متعود ع الأسماء الجديدة اللي انت مجازف فيها.

حسن شحاتة: إن شاء الله العناصر الجديدة اللي دخلت ربنا يسهل ويبقوا نجوم في المستقبل إن شاء الله.