EN
  • تاريخ النشر: 03 مايو, 2010

دربي الرياض يشهد روحا رياضية مثالية رئيس العالمي مازحا: هذه آخر مرة يفوز الهلال في رئاستي

رصد برنامج صدى الملاعب أجواء ما بعد لقاء الهلال والنصر في الرياض، الذي تأهل على أثره الزعيم إلى نهائي كأس خادم الحرمين للأبطال، وكم كانت الأجواء مثالية بعد إطلاق الحكم الألماني صفارة نهاية المباراة، حيث تبادل لاعبو ومسؤولو الفريقين الأحضان والتهنئة في جو رياضي مثالي رغم السخونة المعروفة عن دربي الرياض.

  • تاريخ النشر: 03 مايو, 2010

دربي الرياض يشهد روحا رياضية مثالية رئيس العالمي مازحا: هذه آخر مرة يفوز الهلال في رئاستي

رصد برنامج صدى الملاعب أجواء ما بعد لقاء الهلال والنصر في الرياض، الذي تأهل على أثره الزعيم إلى نهائي كأس خادم الحرمين للأبطال، وكم كانت الأجواء مثالية بعد إطلاق الحكم الألماني صفارة نهاية المباراة، حيث تبادل لاعبو ومسؤولو الفريقين الأحضان والتهنئة في جو رياضي مثالي رغم السخونة المعروفة عن دربي الرياض.

وأجرى ماجد التويجري مراسل البرنامج في السعودية لقاءات مع الجانبين أكَّدت عمق العلاقة بين الطرفين وانحسار المنافسة في أرضية الملعب:

"ماجد التويجري: ويش رأيك في ياسر؟

الأمير فيصل بن تركي، رئيس نادي النصر: ياسر من أعظم مهاجمي المملكة.

ماجد التويجري: ويش رأيك في رئيس النصر؟

ياسر القحطاني: هذي شهادة أعتز فيها، سمو الأمير فيصل بن تركي من الناس صراحةً اللي أنا أفتخر بمعرفتهم بصراحة.

ماجد التويجري: بس ما جابوا بطولات؟

ياسر القحطاني: إن شا الله ربي يوفقهم إن شا الله السنة الجاية.

ماجد التويجري: بتجيبون؟

الأمير فيصل بن تركي: لو بداخل راسه من الأول كنا جبناه من القادسية بس جبنا رفيق دربه محمد السهلاوي

ماجد التويجري: ياسر المباراة اللي راحت والمباراة هذي بردو كان حمل كبير سجل هدفين في مرماكم واليوم كان أخطر اللاعبين على مرماكم؟"

الأمير فيصل بن تركي: ياسر ما في شك إنه نجم كبير ما هو بس على مستوى الدوري، على مستوى المنتخب السعودي، أقولك من أفضل الهدافين يعني أعتقد هو إن شا الله وإخوانه سعد الحارثي والسهلاوي وناصر الشمراني إذا رجع، إذا نسيت بعض الأسامي أتأسف لكن إن شا الله عندنا مشاركات دولية قريبة إن شا الله يبيضون وجهنا إن شا الله.

ماجد التويجري: انتو حسمتوها من الذهاب ياسر؟

ياسر القحطاني: والله ما تقدر تقول، صعبة احنا ما حسمناها إلا في الدقيقة 45 في الشوط الثاني اليوم.

ماجد التويجري: أبو تركي على ورقة وقلم لم تحقق أي بطولة وأنت الجديد على الرئاسة راضي عن ما قدمه الفريق؟

الأمير فيصل بن تركي: لأ شوف ماهو طموحنا أبداً نكون المركز الثالث في الدوري أو مثلاً المركز الثالث في كأس مولاي خادم الحرمين الشريفين لكن هذي أول سنة، نتعلم من أخطاءنا وإن شا الله السنة الجاية زي ما قلت لأبو عبد العزيز ترى آخر مرة يفوز الهلال في رئاستي.

ماجد التويجري: طيب وهو حاطت فانلة النصر على كتفه ممكن نشوفه يوم في النصر؟

الأمير فيصل بن تركي: والله شوف نادي الهلال نادي كبير وما أظنه يستغني عنه.

ماجد التويجري: وانت ممكن تلعب في النصر؟

ياسر القحطاني: النصر نادي كبير وكلنا نتشرف بصراحة نلعب فيه وزي ما أنا أتشرف إني ألعب للهلال أكيد إنه لو حصلي فرصة ولعبت في النصر أكيد بيكون شرف لأي لاعب سعودي."

وردا على سؤال لمصطفى الأغا حول الأجواء في الرياض، قال ماجد التويجري: "اللي أعجبني أكثر شي أبو كرم في المباراة ككل مع صفارة الحكم أن يتبادل لاعبو النصر ولاعبو الهلال القمصان في إشارة واضحة، يا جماعة ياللي في الإعلام يا بعض المسئولين يا بعض الإداريين إذا كنتم تحبون شحن الأمور فاحنا كلاعبين مع بعض حبايب مع بعض أصحاب، بعد 90 دقيقة ينتهي كل شي، ألفة ومحبة نتمنى إنها تستمر بين كل الأندية السعودية ليس فقط النصر والهلال."