EN
  • تاريخ النشر: 22 يوليو, 2010

علاقتها ليست قوية بالرياضة ديما الجندي لصدى: مارست كرة السلة وفخورة بفريق سوريا

التقى برنامج صدى الملاعب بالنجمة السورية ديما الجندي التي قال عنها مصطفى الأغا إنها رياضية حتى النخاع، ولكنها متقلبة، بعدما كانت إيطالية تحولت إلى ألمانية، وكشفت هي عن علاقتها بالرياضة، فماذا قالت لدانا صملاجي؟.

  • تاريخ النشر: 22 يوليو, 2010

علاقتها ليست قوية بالرياضة ديما الجندي لصدى: مارست كرة السلة وفخورة بفريق سوريا

التقى برنامج صدى الملاعب بالنجمة السورية ديما الجندي التي قال عنها مصطفى الأغا إنها رياضية حتى النخاع، ولكنها متقلبة، بعدما كانت إيطالية تحولت إلى ألمانية، وكشفت هي عن علاقتها بالرياضة، فماذا قالت لدانا صملاجي؟.

دانا صملاجي: كيفك انتي مع الرياضة؟

ديما: يعني مش ولا بد بس منيحة، ما بتابع بشكل دائم.

دانا: طيب كونك فنانة بتحسي إلك علاقة بالرياضة مثلا، الفنان لازم دائما يكون إله صلة بالرياضة؟

ديما: لازم بشكل أو بآخر لأنه كل واحد عنده رياضة معينة بيمارسها بأوقات الفراغ، أنا كتير بحب ألعب الأيروبيك بيجوز ما بشوف مباريات كرة قدم أو سلة أو تنس أو شي بس بشكل أو بآخر إلنا علاقة بالرياضة.

دانا: مارستِ لعبة معينة كنتي تتمني تضلي فيها تحترفيها أم لا؟

ديما: مارست كرة السلة ولو إنه القياس صغير، ما ظبطت معي لأنه كان بدها طول للأسف، كنت أقصر واحدة بالمنتخب.

دانا: هل بتابعي منتخب سوريا تبع كرة القدم، بتابعي الدوري السوري؟

ديما: للأسف بحكم شغلنا ما كتير عندنا وقت لنتابع، بس مثلا بسمع الراديو، بفتح الأخبار أو شي يعني ع الخفيف.

دانا: راح تشجعيهن هلا بأسيا؟

ديما: إي أنا كتير مبسوطة إنه ترشحوا ضمن هاي الفئة وفخورين فيهن كتير وبنتمنى لهن التوفيق، إن شا الله يا رب يفوزوا، لما بدي أقعد شوف بحب أشوف اللعبة الحلوة.