EN
  • تاريخ النشر: 06 يناير, 2010

النجمة السورية تتحدث لصدى الملاعب دانا جبر: أشجع الريال وكاسياس.. وأتمنى دعم مواهب سوريا

أطلت النجمة السورية دانا جبر على مشاهدي برنامج صدى الملاعب، وتحدثت عن علاقتها بالرياضة والفريق الذي تشجعه، كما عبرت عن حزنها لغياب الدعم عن المواهب الرياضية في بلدها.

  • تاريخ النشر: 06 يناير, 2010

النجمة السورية تتحدث لصدى الملاعب دانا جبر: أشجع الريال وكاسياس.. وأتمنى دعم مواهب سوريا

أطلت النجمة السورية دانا جبر على مشاهدي برنامج صدى الملاعب، وتحدثت عن علاقتها بالرياضة والفريق الذي تشجعه، كما عبرت عن حزنها لغياب الدعم عن المواهب الرياضية في بلدها.

دانا صملاجي مراسلة البرنامج التقتها في سوريا، فماذا قالت "دانا" لـ"دانا"؟.

دانا صملاجي: دانا انتي بتلعبي رياضة، بتحبي الرياضة؟.

دانا جبر: إذا كان في عندي وقت أكيد بحب أنزل نادي، أو أحضر كتير رياضة مع رفقاتي اللي بيهتموا كمان مثل ما بهتم فيهن، بس إذا كنت مشغولة ما عندي وقت، بس كمان مع هيك ممكن ألاقي هيك شوية وقت بالبيت أعمل شوية حركات عادية.

دانا صملاجي: بتحسي إنه إله علاقة كتير الفنان مع الرياضة، لازم يكون مهتم بالرياضة؟.

دانا جبر: أكيد، هلا أول شي لازم لأنه من شان وقت الممثل وهو الأهم إنه التفريغ يمكن التعصيب بالشغل وبيعمل هيك شوية relax.

دانا صملاجي: بتتخيلي حالك تمارسي لعبة شي؟.

دانا جبر: وأنا صغيرة قبل ما أقول إنه كتير أحب أكون ممثلة كنت أحب دايما ألعب باليه، أو أصير محترفة جمباز هادول كتير كتير بحبهن.

دانا صملاجي: طيب ليه ما كفيتي يعني ليش مثلا ما تابعتي هيك إشي؟.

دانا جبر: ما بعرف كنت كتير أقول لبابا إنه أنا حابة وبدي، بحب كتير ريال مدريد وحارسه كاسياس وأشجعه.

دانا صملاجي: كيف تلاقي الرياضة عندنا، بتابعي انتي هون الدوريات والمنتخبات؟.

دانا جبر: أكيد بتابع بس بزعل على شغلة إنه في كتير مواهب بس ما في دعم، يعني كتير ناقصنا هون دعم لحتى يمكن كذا حدا بيستاهل ياخد فرصته لحتى يبين أكتر، ودايما بفتقد إنه بفتخر أول شي إنه طلع عندنا بطلة من سوريا هي غادة شعاع، بس بزعل إنه ما عاد طلع حدا من بعدها أو شفنا الإنجازات اللي هي عملتها من حدا تاني، فبتمنى يكون في دعم، ما بعرف احكي أكتر من هيك بس مبسوطة كتير وموفق، باي، دانا جبر، MBC، صدى الملاعب.