EN
  • تاريخ النشر: 19 أبريل, 2010

أكد أنه لم يصرح للإعلام وكان واثقا من براءته حسام غالي لصدى: لم أهاجم إدارة النصر قط وما قيل "فبركة"

أكد الدولي المصري ولاعب النصر السعودي حسام غالي لبرنامج صدى الملاعب أنه لم يقل كلمة واحدة في حق إدارة ناديه، مضيفا أن كل ما نشر على لسانه كان مفبركا؛ لأنه ومنذ بداية أزمة المنشطات لم يصرح لأي وسيلة إعلامية، وكان كل همه إثبات براءته التي كان واثقا منها.

  • تاريخ النشر: 19 أبريل, 2010

أكد أنه لم يصرح للإعلام وكان واثقا من براءته حسام غالي لصدى: لم أهاجم إدارة النصر قط وما قيل "فبركة"

أكد الدولي المصري ولاعب النصر السعودي حسام غالي لبرنامج صدى الملاعب أنه لم يقل كلمة واحدة في حق إدارة ناديه، مضيفا أن كل ما نشر على لسانه كان مفبركا؛ لأنه ومنذ بداية أزمة المنشطات لم يصرح لأي وسيلة إعلامية، وكان كل همه إثبات براءته التي كان واثقا منها.

حسام غالي: مساء الخير كابتن مصطفى إزي حضرتك؟

مصطفى الأغا: أنا سعيد جداً، واحد من الناس اللي انبسطوا لهذه النتيجة والحقيقة كل من يحلل في صدى الملاعب كان قلبه معك، ما بعرف الناس حابينك تطلع بريء، انت كيف حسيت؟

حسام غالي: زي ما حضرتك قلت كانت فترة صعبة عليا في الشهر ونص دول بس الحمد لله ربنا في الآخر أظهر الحقيقة، والحمد لله إن أنا طلعت بريء وسمعتي لسة محفوظة الحمد لله كلاعب محترف ولاعب مصري بمثل بلدي وعمري الحمد لله ما أخدت الحاجات دي.

مصطفى الأغا: حسام بإحدى الصحف شفنا إنه براءتي أخرست الألسنة التي اتهمتني، من هي هذه الألسنة، كنت حاسس حالك في بعض الاتهامات إنك انت شوي مكبوت مش قدران، مع إنك انت مؤمن ببراءتك؟

حسام غالي: طبعاً كابتن مصطفى بعد ما اتقال إنه في مادة محظورة في العينة اللي اتاخدت مني ما اتكلمتش في أي صحف أو إعلام أو تليفزيون وكنت ساعي ورا براءتي وكنت متأكد مليون في المية وواثق أولاً في ربنا وثانياً إن أنا عمري ما أخدت الحاجات دي وربنا مش حيضيع حق مظلوم وأنا كنت ماشي ورا الموضوع دة، ناس كتير اتكلمت وناس كتير هاجمت يعني من أول يوم ظهرت العينة، العينة جاتلنا بالظبط يوم 8 مارس بالليل اتكتب في الجرايد تاني يوم في السعودية إن حسام غالي بيتعاطى منشطات وبدأ الهجوم الشرس الحاد عليا من غير ما يعرفوا إنه في لسة إجراءات تحاليل تانية ولسة في عينة تانية ولسة ما ثبتتش عليا.

مصطفى الأغا: أحيي فيك إنك انت آمنت ببراءتك في الوقت اللي آخرين يمكن اقتنعوا..

حسام غالي: طبعاً كابتن مصطفى أنا راجل الحمد لله أنا لعبت من 16 سنة وأنا بمثل منتخب بلدي من ناشئين لشباب لأوليمبي لمنتخب أول، لسة لاعب في كأس الأمم في أنجولا وعارف أضرار الحاجات دي وعارف إنه في أي لحظة ممكن تتاخد مني عينة وفي أي لحظة ممكن أتوقف وبعدين لعبت في توتنام في هولندا، في هولندا وإنجلترا كانوا بيجولنا التمرين بياخدوا عينات مننا، فأنا عارف وعلى دراية كاملة بالأضرار بتاعة المنشطات دي، فما ينفعش واحد زيي ياخد حاجة زي كدة.

مصطفى الأغا: أول ما جاك الخبر، منين إجاك الخبر، مين عطاك الخبر المفرح؟

حسام غالي: كنا قاعدين يوم الجمعة اتبعت إيميل من المحامي في لندن نادر شوقي اللي هو وكيل الأعمال بتاعي، إيميل بنتيجة العينة اللي جت من ماليزيا..

مصطفى الأغا: كان يتصل يا أخي؟

حسام غاليك لأ كان في صيغات حاجات كيميائية وكدة بتاعة الدكتور لازم هو اللي يفسرها، بعتها لدكتور طارق عشان يقول إيه الموضوع، فالحمد لله كانت النتيجة سلبية وكلمنا معمل ماليزيا واتأكدنا إنه العينة سلبية والحمد لله.

مصطفى الأغا: حسام في فترة أنت كنت عاتب على إدارة النصر، هلا شو؟

حسام غالي: أنا ما قلتش حاجة على إدارة النصر على لساني خالص كابتن مصطفى، أنا ما عاتبتش حد يعني ممكن الكلام اتفبرك إنه اتقال على لساني، لكن أنا ما قلتش، أنا زي ما قلت لحضرتك أنا من بداية القضية لم أتحدث إطلاقاً لأي وسائل إعلام مقروء أو مسموع أو مرئي.

مصطفى الأغا: إذن فُبرك الكلام على لسانك، لم تقل شيء؟

حسام غالي: ما قلتش شيء ونادي النصر كان واقف وقفة كويسة معايا من خلال المراسلات للجنة المنشطات، تكاليف السفر لماليزيا كانت على نفقة نادي النصر، فأنا عمري ما هاجمت نادي النصر ولا اتكلمت أي كلمة وحشة على نادي النصر.

مصطفى الأغا: برأيك لماذا كتب هذا الكلام، لأنه حتى في مقالات كتبت بناءً على هذا الكلام؟

حسام غالي: لا والله معنديش دلائل للحاجة دي أو ممكن أقول فيها إيه لكن في فبركة كتير بتحصل وصحفيين كتير بيكتبوا كلام على لساني أو على لسان أي حد تاني من غير ما يكون هو قال الموضوع دة

مصطفى الأغا: الحقيقة في كتير ناس آمنوا ببراءتك ومنهم زميلنا ماجد التويجري اللي الحقيقة بيحبك لله.

حسام غالي: أنا عارف كابتن مصطفى وأنا عايز أشكره من خلالك وأشكر برنامج صدى الملاعب بردو الناس من أول ما القضية بدأت واتقال إنه أنا أخدت منشطات الناس ما كانتش مصدقة وأولهم ماجد التويجري وبشكره من خلالك وأشكر حضرتك بردو، وقفت وقلت حسام غالي ما يعملش كدة.

مصطفى الأغا: للجنة المنشطات السعودية شو بتقول؟

حسام غالي: أقولهم مش عيب إن انتو تبرأوا حد، ظهرت نتيجة العينة التانية إنها سلبية وانتو مش عايزين تاخدوها وتحولوا الأوراق..

مصطفى الأغا: انت ملاحظ إنه في ناس تانيين اتهموا وأوقفوا أيضاً الكويكبي مثلاً؟

حسام غالي: أنا معرفش يعني الناس ما سعيتش زي ما أنا سعيت، أو الناس أخدت العقوبة أو القرار كدة، الناس دي استسلمت للوضع لكن أنا واثق من نفسي وكنت واثق لأن أنا راجل ما باخدش الكلام دة كله، يعني ما أتاخدش بذنب حد، يعني في حد أخد منشطات أو اتوقف يبقى أنا أتاخد بذنبه؟ وأنا ما عملتش حاجة وأنا بريء، ولجنة المنشطات تماطل في إصدار القرار وتتأخر في إصدار القرار.

أنا بطلب من الأمير سلطان بن فهد إن هو يتدخل والأمير نواف إن الناس تتدخل في اللجنة وتقول حاجة للجنة المنشطات دي عشان أنا واحد لعيب كورة وعايز ألعب كورة وبردو منتخب بلدي حيلعب في الصيف عايز ألعب مع منتخب بلدي وعايز ألعب مع نادي النصر، فيا ريت العقاب دة يتشال في أسرع وقت.