EN
  • تاريخ النشر: 26 أبريل, 2010

لجنة المنشطات هي من أوقفتني فلم اللجوء للوادا؟ حسام غالي لصدى: التجربة مريرة ولا أشعر بالراحة النفسية

عاد الدولي المصري المحترف في صفوف النصر السعودي حسام غالي إلى الانخراط مجددا في تدريبات ناديه استعدادا للقاء الإياب في نصف نهائي كأس خادم الحرمين للأبطال أمام الهلال، وصرح غالي لبرنامج صدى الملاعب أنه واثق تماما من براءته، مضيفا أنه يتعجب من بيان لجنة المنشطات السعودية بخصوص قضيته، الذي قالت فيه إن القضية برمتها بين أيدي اللجنة الدولية للمنشطات الوادا.

  • تاريخ النشر: 26 أبريل, 2010

لجنة المنشطات هي من أوقفتني فلم اللجوء للوادا؟ حسام غالي لصدى: التجربة مريرة ولا أشعر بالراحة النفسية

عاد الدولي المصري المحترف في صفوف النصر السعودي حسام غالي إلى الانخراط مجددا في تدريبات ناديه استعدادا للقاء الإياب في نصف نهائي كأس خادم الحرمين للأبطال أمام الهلال، وصرح غالي لبرنامج صدى الملاعب أنه واثق تماما من براءته، مضيفا أنه يتعجب من بيان لجنة المنشطات السعودية بخصوص قضيته، الذي قالت فيه إن القضية برمتها بين أيدي اللجنة الدولية للمنشطات الوادا.

"حسام غالي: معرفش هل هو لجنة المنشطات مش قادرة على القضية كلها فبتبعتها للوادا تشوف التفاصيل؟ معرفش الله أعلم لكن الحمد لله يعني أنا واثق من نفسي وواثق من الأوراق اللي معانا وكل الأوراق واضحة وقانونية وماشية تبع قوانين لوادا وكله تمام يعني احنا مش قلقانين من حاجة بالعكس حتى لو صعدت للوادا احنا الحمد لله بردو النتيجة حتطلع هي هي وحتحكم بالبراءة.

ماجد التويجري: بتشعر انت من خلال متابعتك ووكيل أعمالك والمحامي تبعك وكل من يتابع القضية إنه عملية التعطيل اللي حادثة بإعلان البراءة النهائية هي فقط لتغطية مثلاً الخطأ اللي وقعت فيه اللجنة؟

حسام غالي: الله أعلم هل هو خطأ اللجنة بس أو خطأ اللجنة والمعمل أو خطأ اللجنة في اختيار معمل غير مهيأ أو غير كامل بالأجهزة اللي المفروض تتعامل معاها لكن احنا في الأخير معانا الأوراق بتاعتنا كلها كاملة والتحاليل واضحة وصريحة واتكلمنا مع معمل ألمانيا ومعمل ماليزيا وبردو الإجابة واضحة إن العينة التانية طلعت سلبية فمفيش أي، يعني حتى لو العينة إيجابية وفي التناقض دة في الورق لوادا على طول بتلغي الـcase."

وعن إمكانية استمراره بين صفوف العالمي في الموسم المقبل ومدى تأثير ما مر به طوال الأسابيع الست الماضية على قراره باستكمال المشوار في الدوري السعودي، قال غالي:

"حسام غالي: ما أقدرش أحددلك وأقولك كدة (إن علاقته بالنصر انتهتأنا معايا عقد هنا في النصر سنتين وفي الآخر الإدارة هي اللي تقرر ولو في حاجة برة أحسن من نادي النصر عرض يليق بيا وبنادي النصر مش حيكون في تردد.

ماجد التويجري: بعد التجربة اللي مريت فيها ممكن تبدأ في الدوري السعودي؟

حسام غالي: والله معرفش هي تجربة مريرة يعني وما تبقاش نفسياً مرتاح، يعني أنا دلوأتي نفسياً مش مرتاح حتى وأنا موجود لكن الله أعلم ممكن الخير فين، الله أعلم إيه اللي جاي."

"ماجد التويجري: حتلعب ماتش الهلال مثلاً؟

حسام غالي: دة رؤية الجهاز الفني، أنا موجود وجاهز وبتمرن زي ما انت شفت وكنت بتمرن في الأهلي ما بطلتش، بالرغم إن أنا كنت موقوف وبالرغم من الحالة النفسية والموسم خلاص قرب يخلص، لكن الحمد لله كنت واثق أو مستعد لو أي حاجة حصلت والإيقاف اتشال والموضوع خلص إني أكون جاهز إني ألعب، والحمد لله أنا جاهز دلوأتي ودة في الآخر رؤية الجهاز الفني لو أشركني أنا موجود وجاهز."