EN
  • تاريخ النشر: 12 أبريل, 2010

أصغر مدير فني في تاريخ نادي القرن في إفريقيا حسام البدري لصدى: أنا محظوظ لأنني مدرب النادي الأهلي

فتح الكابتن حسام البدري المدير الفني للنادي الأهلي المصري قلبه لمشاهدي برنامج صدى الملاعب، وتحدث عن الصعوبات التي تواجهه، وطموحاته للمستقبل، كما أعدت سماح عمار مراسلة البرنامج في القاهرة تقريرا شاملا عن أصغر مدير فني يتولى مسئولية تدريب نادي القرن في قارة أفريقيا.

  • تاريخ النشر: 12 أبريل, 2010

أصغر مدير فني في تاريخ نادي القرن في إفريقيا حسام البدري لصدى: أنا محظوظ لأنني مدرب النادي الأهلي

فتح الكابتن حسام البدري المدير الفني للنادي الأهلي المصري قلبه لمشاهدي برنامج صدى الملاعب، وتحدث عن الصعوبات التي تواجهه، وطموحاته للمستقبل، كما أعدت سماح عمار مراسلة البرنامج في القاهرة تقريرا شاملا عن أصغر مدير فني يتولى مسئولية تدريب نادي القرن في قارة أفريقيا.

"سماح عمار: حسام البدري المدير الفني للنادي الأهلي يعيش في توتر مستمر منذ توليه مسؤولية تدريب النادي الأهلي.

حسام البدري: يومي طبعاً بيبقى مشغول جداً، بيبقى كله تفكير في المرحلة اللي جاية، عارفين في الفترة دي يمكن كل تلات أيام بيبقى في ماتش، أول ما بتخلص المباراة بيبتدي الواحد يفكر في المباراة اللي بعديها، حتى الواحد لما بيصحى الصبح بيبتدي يفكر في الماتش اللي بعده وفي الفرقة اللي حيلاعبها، في التشكيل اللي حيلعب بيه، السلبيات اللي حصلت في الماتش الأولاني أو الإيجابيات، التفكير مستمر كله في المباريات عشان الضغط طبعاً الحالي."

"سماح عمار: ولكنه يعتبر نفسه محظوظاً لتوليه هذه المسؤولية

حسام البدري: وجودي هنا شيء، يعني أنا بعتبر نفسي محظوظ آه لكن بتمنى إني أنا أتوج الكلام دة ببطولات للنادي الأهلي إن شاء الله."

"سماح عمار: ثقة الجماهير في قدراته وطريقته تدفعه معنوياً للحصول على الدوري المصري هذا الموسم.

-طبعاً الكابتن حسام ليه ماضي كبير أوي في الكورة ويا رب يكرمه ويبقى في ازدهار في الأيام الجاية إن شاء الله تحت قيادته وتدريبه.

-الكابتن حسام من المدربين الكويسة المعدودة وربنا يوفقه إن شاء الله.

-الراجل دة ليه فكر جديد غير جوزيه طبعاً وراجل ناجح وبدليل إنه هو الأول على الدوري دلوأتي ومعاه ستة ناشئين بيلعبوا في الفرقة."

"سماح عمار: وثقة اللاعبين هي الدافع الأكبر.

وائل جمعة: لغاية دلوأتي الحمد لله تجربة كويسة وتجربة ناجحة ولازم طبعاً ندي الكابتن حسام فرصته للآخر والنتايج لغاية دلوأتي الحمد لله كويسة.

عماد متعب: راجل كمدير فني أنا شايف إنه في أول سنة ليه مع النادي الأهلي بيؤدي بشكل كويس والحمد لله احنا أول الدوري دلوأتي وهو غير طريقة اللعب، بنلعب بطريقة مختلفة والأداء من فترة لفترة بيتطور والظروف ما كانتش بتساعده لفترات طويلة لأنه كان في إصابات كتيرة جداً، لكن راجل عنده بدايل ودفع بالناشئين وإدى فرص لناس كتير والحمد لله يعني أنا بحييه ع المجهود اللي قايم بيه وإن شاء الله الفترة اللي جاية حيبقى في حاجات أحسن كتير من الكابتن حسام البدري."

"حسام البدري: اللي أنا عايز أقوله إنه كرة القدم من أصعب المهن اللي الواحد ممكن يزاولها لأنها فيها ضغط عصبي كبير جداً، فيها متغيرات، فيها مسؤولية كبيرة، في آراء مختلفة ملايين من الآراء يعني مش بنقول آلافات، في ملايين من الآراء فكل الكلام دة عايز نوعية معينة، عايز قدرة معينة، عايز شخص يبقى عنده قدرات ويقدر يتعامل مع هذه الاختلافات كلها، فأعتقد مسؤولية النادي الأهلي بتختلف وأكيد دي بتزيدني خبرات وأتمنى إن شاء الله إنه أنا أوفق حتى تكون الخبرة اللي أنا أخدتها مع النادي الأهلي في صالحي في مشواري اللي جاي إن شاء الله.

سماح عمار: الكابتن حسام البدري هو أصغر مدير فني سناً يتولى تدريب الفريق الأول بالنادي الأهلي في تاريخه، فهل سيحالفه الحظ هذا الموسم في تحقيق لقب الدوري؟"