EN
  • تاريخ النشر: 17 أبريل, 2010

صدى الشارع المصري عقب "دربي" القاهرة الـ105 جماهير الزمالك حزينة لضياع الفوز وتعادل مثير للأهلي

ردود فعل الشارع المصري عقب لقاء القمة

ردود فعل الشارع المصري عقب لقاء القمة

أبدت جماهير الزمالك حزنها الشديد لضياع الفوز على الأهلي في القمة المصرية رقم الـ105 خلال الثواني الأخيرة من المباراة التي جرت ضمن الجولة السابعة والعشرين من بطولة الدوري المصري لكرة القدم، فيما اعتبرت جماهير الأهلي هذا التعادل بطعم الفوز، خاصة أنه جاء في وقت قاتل.

  • تاريخ النشر: 17 أبريل, 2010

صدى الشارع المصري عقب "دربي" القاهرة الـ105 جماهير الزمالك حزينة لضياع الفوز وتعادل مثير للأهلي

أبدت جماهير الزمالك حزنها الشديد لضياع الفوز على الأهلي في القمة المصرية رقم الـ105 خلال الثواني الأخيرة من المباراة التي جرت ضمن الجولة السابعة والعشرين من بطولة الدوري المصري لكرة القدم، فيما اعتبرت جماهير الأهلي هذا التعادل بطعم الفوز، خاصة أنه جاء في وقت قاتل.

وفيما يلي تقرير لسماح عمار مراسلة برنامج "صدى الملاعب" الذي يذاع يوميا على mbc1 من شوارع القاهرة عقب المباراة مباشرة:

سماح عمار: أنت زملكاوي؟

-آه زملكاوي

سماح عمار: طيب تقول إيه للزمالك بعد أداء النهاردة؟

-بقول هما كانوا كويسين وكانوا يستاهلوا إنهم يفوزوا

سماح عمار: رأيك في أداء الزمالك

-الزمالك طبعاً فرقة كويسة بس هو اللي أثر علينا اللاعبين الاتنين اللي ما لعبوش الموقوفين، هما الاتنين دول اللي أثروا علينا، لو كانوا موجودين النهاردة كنا نكسب إن شاء الله

-نشكر حسام حسن جداً جداً، أشكر كل المدربين المصريين، ما ينفعش معانا مدربين أجانب، ينفع معانا حكام أجانب وحكام مصريين لأ، طبعاً دة غصب عنهم ودة من اتحاد الكورة، وأرجو من اللعيبة يكونوا بنفس الشكل دة دايماً يا رب في مصر

-عامةً الماتش كان نفسنا الزمالك يكسب النهاردة الأهلي عشان احنا اللي لعبنا، بس لازم عشان الناس تحتفل بالدوري وربنا يبارك لهم

-الحمد لله هو الصراحة حسام حسن أول ما مسك الزمالك الصراحة عمل أداء جميل جداً في الزمالك والحمد لله رب العالمين

سماح عمار : أنت أهلاوي؟

-أنا بشجع النادي الأهلي طبعاً وفرقة الزمالك النهاردة بردو عملت كورة كويسة وبردو كان في تفوق في نص الملعب للزمالك، وفي بردو بعض الغلطات لحسام البدري بخروج أحمد حسن، المفروض يعني لما يخرج أحمد حسن ينزل أحمد شكري من الناحية الهجومية لإن كان في نص ملعب الزمالك مسيطرين أكتر من فرقة الأهلي ولكن هو الأهلي النهاردة التعادل بطعم الفوز

-مبروك للأهلي

-هو الماتش كان كويس بس الزمالك كان أحسن وهو اللي كان يستاهل

- بحمد ربنا إن ربنا كرمنا واتعادلنا ونحتفل بالدوري إن شاء الله في ماتش المنصورة إن شاء الله

-عجبني الروح الرياضية اللي كانت في الماتش دة بصراحة وبنحمد ربنا إنه الأهلي فاز طبعاً دي شيء مطمئن، وأهم حاجة الروح الرياضية اللي سادت الماتش دة

-حيكسبونا امتى بس، بنلعب من غير جول ومن غير أحمد عادل عبد المنعم ومن غير حسام البدري وربنا بيكرمنا بردو، مش حيكسبونا أبداً إن شاء الله

-حسام البدري المفروض إن احنا ندور على مدرب أجنبي، الموضوع مش حينفع

-الماتش جميل كابتن سماح ومبروك للفرقتين عملوا ماتش رائع الصراحة

-بحيي نادي الزمالك على إنه قدم العرض دة وبقول إن الأهلي النهاردة اتعادل بالحظ

-الماتش كان كويس، الأهلي لعب والزمالك لعب، وكان أحلى حاجة في الماتش إن الزمالك راجع من كبوة والأهلي في دروب نازله يعني فالماتش كان كويس والزمالك كان كويس