EN
  • تاريخ النشر: 17 يونيو, 2014

"هنتحرش بالرجالة" هاشتاج يتصدر "تويتر" في ساعات.. والسبب!

التحرش

التحرش

أطلق عدد من مستخدمي موقع "تويتر" للتدوينات القصيرة، "هاشتاج" جديد بعنوان "#هنتحرش_بالرجالة" ردًا منهم على ظاهرة التحرش التي تعاني منها المرأة في مصر.

  • تاريخ النشر: 17 يونيو, 2014

"هنتحرش بالرجالة" هاشتاج يتصدر "تويتر" في ساعات.. والسبب!

أطلق عدد من مستخدمي موقع "تويتر" للتدوينات القصيرة، "هاشتاج" جديد بعنوان "#هنتحرش_بالرجالة" ردًا منهم على ظاهرة التحرش التي تعاني منها المرأة في مصر.  

أكد المشاركون في التغريد عبر "الهاشتاج" أنهم لا يقصدون بالطبع الرجال، وإنما يقصدون السخرية من المتحرشين ومحاولة ردعهم بطريقة تُظهر ما تعانيه المرأة من مضايقات في الشارع المصري. وقالوا عنهم "#هنتحرش_بالرجالة.. مع الاعتذار للي رجالة بجد مبيرضيهمش اللي بيحصل للبنات في الشارع ولا بيشاركوا فيه".

وكانت ظاهرة التحرش قد انتشرت مؤخرًا بشكل كبير أثار الذعر في المجتمع المصري، وطالب الكثيرين بتطبيق العقوبات على المتحرشين، خاصة بعد حديث الرئيس عبد الفتاح السيسي عن واقعة التحرش والاغتصاب الجماعي لفتاة ميدان التحرير، مشددًا على أن هذه السلوكيات في طريقها إلى الزوال.

وعلى الطريقة المصرية، سخر شباب وبنات من المتحرشين عبر "الهاشتاجبينما رفض آخرين أن يكون هذا هو رد الفعل، لافتين إلى أن المتحرش كائن لا أخلاق له ولا يجب أن ننحدر لمثل هذا المستوى.

وكان من بين التغريدات عدد كبير من الطرائف، مثل:

هنتحرش_بالرجالة: ابقوا اقفلوا زرار القميص بقى اللي بتفتحوه ده، وغطوا شعر صدركوا يا حلوين!

#هنتحرش_بالرجالة: علقوا بوسترات على عربيات المترو بتاعة الرجالة واكتبوا عليها للرجال فقط، وتبقى لحد السابعة مساء.

 #هنتحرش_بالرجالة: بالنسبه للبنات اللي بتمشي تتحرش بالولاد في الشارع كدا عادي. هقولك كلمه واحده ترضيها لأخوكي؟

#هنتحرش_بالرجالة: الولد من واجبك تحميه بدل ماتتحرشي بيه

#هنتحرش_بالرجالة: أنا حاطه عيني على الواد ده وهتحرش بيه عاجلاً أم آجلاً

#هنتحرش_بالرجالة: بعد كده لما أشوف واحد ماشي أقدم خطوتين قدامه عشان ميخافش

#هنتحرش_بالرجالة: ما انت لو مش ماشي بشورت و فاتح القميص كده مكنش حد هيقربلك، ثم أصلا إيه اللي وداك هناك ؟!

#هنتحرش_بالرجالة: معلش يا كابتن ممكن تقولى الساعه كام في موبايلك أصل موبايلي مش مصدق نفسه من جمالك

#هنتحرش_بالرجالة: يعني في واد يمشي بشورت وسمانته تبان كدا.. ما انت كان ﻻزم يتحرشوا بيك.

#هنتحرش_بالرجالة: هو اللي غلطان لابس بنطلون ضيق.  

#هنتحرش_بالرجالة: بدل ما تتحرشي بيه ..روحى اطلبيه من أهله.. الحلال أحسن والله

#هنتحرش_بالرجالة:.أنا مش هتحرش بحد عشان ممكن تتردلي في أخويا أو ابني أو جوزي

#هنتحرش_بالرجالة أوعدكم إني عمري ما هبص لولد علشان أنا عندي إخوات ولاد وربنا يستر على ولايانا

#هنتحرش_بالرجالة وتخيل بقي شكل البنات وهي ماشيه ورا واحد وواقفين عند أي كشك سجاير وأي ولد يعدي يقولوله "خد اما اقولك" وتلاقي الولد جري .

ووسط هذا الكم من السخرية الللاذعة، إلا أنه كانت هناك تغريدات جادة تماما، تؤكد أن "الهاشتاج" لم يكن إلا وسيلة للتعبير فقط عن الأفكار السائدة والمغلوطة في المجتمع، والتي تلقي اللوم على الفتاة ولا تعاقب المتحرش، ومن هنا طالبوا برد فعل قوي وحاسم، من السلطة ومن المجتمع ككل، في مواجهة هذه الأزمة التي تعاني منها كل امرأة مصرية.