EN
  • تاريخ النشر: 02 أغسطس, 2014

بهذه الكلمات ردت هند سعيد صالح على عدم حضور فنانين جنازة والدها

سعيد صالح

سعيد صالح

ردت ابنة الفنان سعيد صالح على عدم حضور فنانين لوالدها وذلك من خلال رسالة عبر حسابها الشخصى على موقع التواصل الاجتماعي فيس بوك .

  • تاريخ النشر: 02 أغسطس, 2014

بهذه الكلمات ردت هند سعيد صالح على عدم حضور فنانين جنازة والدها

(القاهرة mbc.net ) ردت ابنة الفنان سعيد صالح على عدم حضور فنانين لوالدها وذلك من خلال رسالة عبر حسابها الشخصى على موقع التواصل الاجتماعي فيس بوك .

وقالت هند "بعد اذنكم انا بطلب من كل اللى فكر و قرر ان الفنانين ماعندهومش اصل و عندهم جحود عشان محدش جه جنازة بابا بدل ما يشغل نفسه بده يشغل نفسه بالدعاء ليه .. افيد له لانه محتاج ده .. لحظة ما  توفى انا اللى قررت سرعة الدفن .. لان اكرام الميت دفنه .

وتابعت بقولها  بابا كان موصى يدفن فى مسقط رأسه فى المنوفيه .. و لأن كان عندى سفر ساعتين عشان اوصل للمقابر .. و لأنى كنت عايزة الحق نور ربنا .. و لأن حاجات كتير مش مضطرة اشرحها .. باختصار اولوياتى ادفن اب توفى .. مش فنان توفى .. طبعا انا عارفة ان مصر كلها حزينة عليه و ده على راسى .. بس ده مش سبب لاتهام حد بالجحود ..

وأضافت هند  الفنانين دول اهلى نمرة 2 .. و محدش سابنى .. و على ما الناس عرفت كنت انا سافرت .. و اهتمامى الاول و الاخير كان بسرعة دفنه .. و بدل ما كان 1000 واحد هيمشى فى جنازته فى القاهرة لقيت محافظة المنوفية كلها فى جنازته هناك .. و اللى هنا و اللى هناك عند ربنا واحد فى الأجر و الثواب .. فلو سمحتوا ادعوا له بس هو محتاج ده ولا حاجة غير ده .. و من فضلكم كمان مرة محتاجة احزن على ابويا فى سلام مش فى مهاترات لا هتودى ولا هتجيب لانه هو اصلا فى حتة تانية خالص

واختتمت بقولها أن العزاء الثلاثاء فى مسجد عمر مكرم

Image
399