EN
  • تاريخ النشر: 25 مارس, 2014

شقيقة زينة تكشف تفاصيل قصة أختها وأحمد عز

زينة وشقيقتها

تعرف على التفاصيل التي كشفتها شقيقة زينة للمحكمة..

  • تاريخ النشر: 25 مارس, 2014

شقيقة زينة تكشف تفاصيل قصة أختها وأحمد عز

تفاصيل كثيرة تبقى قيد الكتمان في قضية زينة وأحمد عز تم الكشف في استجواب النيابة لزينة وشقيقتها ونسرين رضا، وفي الوقت الذي نشرنا نص التحقيق مع زينة بالكامل، نكشف اليوم عن نص التحقيق مع نسرين.

· ما ملابسات الواقعة محل التحقيق؟

اللي حصل إن أختي الممثلة زينة تزوجت أحمد عز عرفي في شهر 6 سنة 2012، وقالت لي بعدها في شهر 3/2013 أنا حامل وإنه فرحان وبعدها فوجئت أنها بتكلمني وقالت لي إنها خايفة وطلبت إني أقابلها آخدها من عند بيت جوزها أحمد عز اللي في المعادي لأنه جاب لها دكتورة اسمها طاهرة علشان تقنعها تعمل عملية إجهاض في مستشفى تعرفها اسمها "الجارم" في المعادي ومقفلينها من بابها علشان محدش يعرف بعملية الإجهاض، وإنها خايفة يعملوا فيها حاجة، وعلشان كده سابت البيت، وفعلا رحت أخدتها بهدوم البيت وبعدها كلمت أحمد عز في الموضوع، وقال لي أنا مش هجبرها على حاجة، أنا كنت باقترح الموضوع، وأنا مش ممكن هعمل حاجة تؤذيها، وما دام قررت تخلي الجنين مفيش مشكلة وهنخلي عقد الجواز من عرفي لرسمي وبعدها بفترة اتخانقوا تاني، وقالت لي إنه طلب منها تعمل إجهاض وإنه قال لها على أدوية علشان تساعد على الإجهاض وقال لها على دواء اسمه "سايتونك" وإن ده بيساعد على الإجهاض ومبيضرش الإنسان، وهي رفضت وقالت له مش ممكن أعمل حاجة تغضب ربنا، وقلت لها خلي بالك من نفسك لحسن يعمل فيك أي حاجة أو يجبرك على الإجهاض بأي طريقة، وبعدها رحت معاها على الدكتور علشان نطمن على الحمل والفترة دي كان فيه رسائل بيني وبين مصطفي أخو أحمد عز وبين أختي وأحمد عز، وده غير اللي أختي قدمته وكان فيه أحد الأصدقاء اسمه هاني كان متطوع يتدخل للصلح بين أختي وأحمد عز، وأنا معايا تليفون بتاعي اللي فيه الرسائل بيني وبين مصطفى أخو أحمد عز وده كل اللي حصل.

· وما مضمون الرسائل المتبادلة؟ ومن أطرافها؟

الرسائل اللي قدمتها بيني وبين مصطفي أخو أحمد عز ومعايا تليفوني.

· وهل أقر المشكو في حقه بعقد الزواج ونسب الطفلين له؟

أيوه قبل كده لكن هو دلوقتي ينكر كل حاجة.

· وهل كنت مع أختك أثناء ولادتها وعودتها للبلاد؟

أنا رحت لها فقط خمسة عشر يوما بعد الولادة.

· وما الأوراق المستخدمة من قبل أختك لعودة الطفلين إلي البلاد؟

شهادات الطفلين الأمريكية وجواز السفر الخاص بأختي وسام.

·هل لديك أقوال أخرى؟

أيوه هو كان فيه اتفاق بيني وبين أحمد عز بالسفر لأمريكا لحضور الولادة وتحويل الزواج من عرفي إلي رسمي قبل الولادة، وقال لي أمال مين اللي هيدفع فلوس الولادة والمصاريف؟ علشان كده وأقسم بالله العظيم كذا مرة على كده واتفق معايا على أنواع تحاليل معينة هو ومصطفى بعتها لي في رسائل بعدما قرر أن الاتفاق أن يكون الموضوع بيني وبين مصطفى أخوه لحل الموضوع، وده ثابت في الرسائل أسماء التحاليل المطلوبة وهي نفس التحاليل اللي أحمد طلبها من هاني وثابتة في رسائل هاني على تليفونه ومقدم منها صورة للنيابة وصديقة أخرى لنا تدعى نازك، وطلبوا مني التحاليل أكثر من مرة وعملناها في أمريكا للأولاد تحليل "D.N.A" وبعد كده بدأ أحمد عز يغير كلامه وطلب مني إن الاتفاق يكون بيني وبين مصطفي عز واتفقت أنا ومصطفى للذهاب لأحد المعامل لا عن طريقي ولا طريقه لسحب عينة من أحمد وإرسالها لأمريكا لمضاهاتها، ولكن بعد الاتفاق بكام يوم بدأ يتهرب مما دفعني لإرسال رسالة لمصطفي بسأله فيها هل ما زلنا على اتفاقنا ولا غيّر كلامه؟. ورد علي بإنه طبعا عند اتفاقنا زي ما هو، لكن عندنا مشاكل في إعلان الوراثة بتاع والدي، وأنت عارفه بابا توفي من أسبوع وفيه حاجات مهمة لازم أعملها وهكلمك أول ما أخلص وده كان بتاريخ 6/11/2013 حوالي الساعة 8 صباحاً، وبتاريخ 2 نوفمبر 2013 طلب مصطفى عز عن طريق رسالة على تليفوني إن أختي تعمل تحاليل للأولاد معينة وحددها في الرسالة، وطلب أحمد من أحد الوسطاء وهو الدكتور محمد أبو شقة إجراء تحاليل بصفة ودية أثناء وجودها في أمريكا من الأطفال بعدما بعثت أختي التحاليل الخاصة بالأولاد من أمريكا عن طريق البريد السريع ثم تغير الاتفاق فاتفقنا أنا وأحمد عز على تحديد وسيطين، كل واحد من طرف حد فينا، وهو اختار الدكتور محمد أبوشقة وإحنا وافقنا على هذا الاختيار لتتم التحاليل تحت إشرافه وسحب العينة في وجوده، للتأكد من أن العينة مسحوبة من الطفلين أمامه بعد عودة الأطفال من أمريكا وأنه يحلل بعدنا بساعة ده آخر اتفاق وأيضا حضر طرف من عند أحمد عز.