EN
  • تاريخ النشر: 16 يونيو, 2014

"محدش قالك".. 20 تغريدة ساخرة عن التحرش

كاريكاتير فنانين مصريين عن التحرش

قام مجموعة من المصريين بإطلاق حملة جديدة لمواجهة التحرش من خلال هاشتاج "محدش قالك" الذي انتشر بشدة على تويتر، ولم يتم استخدامه فقط لمواجهة المتحرشين بل قاموا باستخدامه لمواجهة عيوب المجتمع.

  • تاريخ النشر: 16 يونيو, 2014

"محدش قالك".. 20 تغريدة ساخرة عن التحرش

قام مجموعة من المصريين بإطلاق حملة جديدة لمواجهة التحرش من خلال هاشتاج "محدش قالك" الذي انتشر بشدة على تويتر، ولم يتم استخدامه فقط لمواجهة المتحرشين بل قاموا باستخدامه لمواجهة عيوب المجتمع.

وانتشر هاشتاج "محدش قالك" بكثرة عبر تويتر، وذلك بعد انتشار ظاهرة التحرش بكثرة في المجتمع المصري وازدياد حالات دخول الفتيات إلى المستشفيات بإصابات كثيرة.

وكانت أكثر الحالات عن التحرش انتشاراً هو ما حدث للسيدة في التحرير بعد أن تجمع مجموعة من الشباب حولها، واضطرار الشرطة لاستخدام الرصاصات في الهواء لتفرقة الإنقاذ حتى تمكن ظابط شاب من التدخل وانتشالها من وسط الجموع ونقلها إلى المستشفى.

كاريكاتير فنانين مصريين عن التحرش
416

كاريكاتير فنانين مصريين عن التحرش

ضد التحرش

وكتب العديد من المصريون تغريدات ساخرة لمواجهة التحرش كان من أبرزها 10 تغريدات ساخرة ناقشت التحرش، أو وجهت نصائح للشباب والفتيات على حد سواء.

  1. محدش قالك أنك لما تلعب ببنات الناس هيجي اللي هيلعب بأختك.
  2. محدش قالك أنك مش مهم تكون تخين ولا رفيع ولا طويل ولا قصير المهم تكون راجل.
  3. محدش قالك أن الرجولة بالأخلاق مش بالشكل
  4. محدش قالك أنك لازم تراعي ربنا في بنات الناس عشان ربنا يرزقك بواحدة محترمة.
  5. محدش قالك ان الذين يرمون المحصنات الغافلات المؤمنات لعنوا في الدنيا والآخرة ولهم عذاب عظيم يعني استرجل ومتتكلمش على اي واحدة
  6. محدش قالك أن بدل ما تحاسب البنت على لبسها أو شعرها، حاسب نفسك أنك ما غضيت بصرك عنها.
  7. محدش قالك ان اللى بتأذيها في الشارع دى وتجرى ممكن متكنش عرفاك ... بس ربنا شايفك وعرفك هتروح منه فين بقى ؟؟ ده منتقم جبار !!!
  8. محدش قالك أن بنات مصر احلى بنات فى العالم باخلاقها، تصونك في غيابك، تحافظ على بيتك واولادك، تهتم بيك اكتر من نفسها، وكل ده وانت متستاهلش.
  9. محدش قالك أن التحرش للحيوانات؟
  10. محدش قالك أنك لما تتكلم على بنت وتجيب سيرتها أنت كده مش راجل
كاريكاتير فنانين مصريين عن التحرش
683

كاريكاتير فنانين مصريين عن التحرش

صلح نفسك

وقام مجموعة أخرى من المصريين باستخدام هاشتاج "محدش قالك" لرصد عيوب أخرى في المجتمع والبدء بإصلاحها، كان منها 10 عيوب ذكرها المغردين على تويتر بعضها كان بطريقة جادة وبعضها كان بطريقة ساخرة منها:

  1. محدش قالك أن الركن صف تاني غلط!
  2. محدش قالك أن احترام الكبير احترام لنفسك
  3. محدش قالك خليك في حالك وسيب الناس في حالهم
  4. محدش قالك أن الدنيا مش مستاهلة ومش طويلة علشان نضيعها في كلام فاضي؟
  5. محدش قالك أن اللي عمل الهاشتاج ده خرج ناس كتير من صمتهم
  6. محدش قالك أن مامتك وباباك تعبوا أوي في تربيتك لو عشت عمرك كله تحاول تردلهم نص اللي عملهولك مش هتعرف.
  7. محدش قالك قبل كده أكبر عيب فيا الطيبة، جملة مصرية شهيرة ولما كلنا أكبر عيب فينا الطيبة اللي بنشوفهم في الشوارع دول مين؟ مستوردين مثلا؟
  8. محدش قالك أن القرآن لما تتضايق أحسن من الأغاني؟
  9. محدش قالك أنك لما بتشمر البنطلون السكيني بتاعك، يجوز أننا نناديك "سوسن"
  10. محدش قالك أن مفيش حاجة اسمها أنا لساني واخد على الشتيمة في حاجة اسمها "ما يلفظ من قول إلا لديه رقيب عتيد".