EN
  • تاريخ النشر: 11 مارس, 2017

راندا البحيري تكشف تفاصيل الموقف السخيف الذي تعرضت له على الطائرة

راندا البحيري

راندا البحيري

كشفت الفنانة راندا البحيري عن تفاصيل الموقف السخيف الذي تعرضت له أثناء استقلالها إحدى الطائرات في رحلة عودتها من دولة الإمارات العربية المتحدة.

(القاهرة ـ mbc.net) كشفت الفنانة راندا البحيري عن تفاصيل الموقف السخيف الذي تعرضت له أثناء استقلالها إحدى الطائرات في رحلة عودتها من دولة الإمارات العربية المتحدة.

ونشرت راندا عبر حسابها الرسمي على موقع التواصل الاجتماعي "إنستجرام" صورة لجهاز الاي باد الخاص بها وهو محطم، وعلقت قائلة: "للأسف مكنتش عايزه اتكلم عن الموضوع ده خالص.. بس اضطروني لكده.. يوم ١٥ فبراير حصل معايا موقف سخيف جداً مكنتش اتخيل اني يحصل هناك ابداً.. الكراسي كانت بايظه بتاعة الطيارة.. الكهربا فيها تهنيجه كده معلقه تماماً.. فكانت الكراسي بتتحرك لوحدها فجأه وتفتح فجأه وتقفل مع نفسها لدرجة إن الرجل اللي قاعد في الصف اللي قدامي الكرسي لما اتحرك كتير وعلق دخل فيه القميص بتاعه وحزام الأمان".

وأضافت: "أما الكرسي بتاعي من كتر ما علق بقي بيوقع حاجاتي علي الأرض ومنها وقع الاي باد جنب الكرسي والكرسي راح بالع الاي باد بين ايد الكرسي وبين الكرسي نفسه والاي باد اتكسر زي ما انتوا شايفين كده.. ومكنش ينفع حد يطلعه علشان ممكن البطارية تتفاعل مع الكرسي والكهربا ويحصل حريقة و ده اللي أكدوه وبيقولوا انه حصل قبل كده معاهم.. وبسبب الموضوع ده انا قعدت طول الرحله علي الأرض.. أربع ساعات في طيارة علي الأرض. أيوه علي الارض جنب المكان اللي بنحط فيه رجلينا ده، أنا دفعت ٣ تذاكر غاليين جداً علشان في الآخر اسيب أهلي واقعد على الأرض وفي الطيارة."

وتابعت: "دلوقتي عايزاكم تكونوا شاهد علي اللي حصل وتقولوا رأيكم .. لما كراسي الطيارة كلها تكون معلقه والكهربا مش شغالة صح.. وكل شوية النور يقطع ويرجع ابقى أنا اللي مسؤولة عن أغراضي الشخصية.. ولما الكرسي يتحرك لوحده ويبلع حزام الأمان بتاع الرجل اللي معرفهوش اللي قاعد قدامي ويبلع أي بادي ابقي أنا برضه اللي مسؤولة عن سلامة أغراضي الشخصية..ده غير إنهم أصلا اعتذرولي وقالولي هنصلحه أو هنشوف نقدر نعمل ايه بس انت انزلي من الطياره.. نزلت وبعدها بيبعتولي ايميلات كلها بتقول مالناش دعوه انت اللي من المفروض تحمي الحاجات اللي معاكي".

واختتمت قائلة: "ده غير اني قبل ما انزل جالي رجل مش محترم بالمره زعقلي، اه زعقلي والله.. مع اني كنت بتكلم بمنتهي الهدوء وقالي كده مش هينفع اتفضلي انزلي من الطيارة وابقي ابعتي ميل للشركه قولتله المهندس لسه شغال وبيطلع الاي باد من الكرسي. يعني حاجه اخيره لاحظتها ان الاجانب كلهم كانوا محترمين معايا بغض النظر عن انهم مجابوش حقي والعربي الوحيد اللي موجود هو اللي اتخانق معايا."

شاهد أيضاً..  راندا البحيري تتحدث عن صعوبات مسلسل وعد

راندا البحيري تتحدث عن وعد

ويعرض لراندا على شاشة MBC مصر مسلسلي "كابتن أنوش" الذي تشارك في بطولته الفنانين بيومي فؤاد، أحمد فتحي، عبير صبري، إدوارد، محمد سلام، ومسلسل "سلسال الدم" مع عبلة كامل، ورياض الخولي، أميرة هاني.